Չեխիոյ Ծերակոյտը Կը Դատապարտէ Հայոց Ցեղասպանութիւնը

Հայաստանի արտաքին գործոց նախարարութիւնը տեղեկացուց, որ Չեխիոյ Հանրապետութեան Ծերակոյտը Մայիս 20-ի լիագումար իր նիստին ընթացքին, միաձայնութեամբ ընդունեց փոխնախագահ Միլան Շթյէխի կողմէ ներկայացուած բանաձեւ մը, որ նուիրուած է Համաշխարհային Բ․ պատերազմի աւարտի 75-ամեակին եւ ուր կը դատապարտուի երկու Համաշխարհային պատերազմներուն ընթացքին մարդկութեան դէմ գործուած ոճրագործութիւնները, որոնց շարքին նաեւ Հայոց Ցեղասպանութիւնը։