Սուրիոյ Մէջ Հայ Մասնագէտներու Խումբի Երրորդ Հերթափոխի Ականազերծողները 2417 քմ Տարածք Մաքրած Են
Սուրիոյ մէջ մարդասիրական առաքելութիւն իրականացնող հայ մասնագէտներու խումբի երրորդ հերթափոխի ականազերծողները, Նոյեմբեր 1-30, 2417 քառակուսի մեթր տարածք մաքրած են:
Armenpress.am-ի տեղեկութիւններով Մարդասիրական ականազերծման եւ փորձագիտական կեդրոնի հասարակայնութեան հետ կապերու պատասխանատու Նազելի Էլբակեանը յայտնած է, թէ ականազերծման աշխատանքներուն ընթացքին յայտնաբերուած է 2 հատ 120 մմ արկ, 2 հատ ՏՄ-62պ3, 1 հատ ՊՄՆ-2, 4 հատ ՕԶՄ-72, 2 հատ ինքնաշէն պայթուցիկ սարք:
Նոյն ժամանակահատուածին հայ բժիշկները հետազօտած եւ բուժօգնութիւն տրամադրած են 1147 մարդու:
Փետրուարէն մինչ այս պահը հայ մասնագէտները բուժած են մօտաւորապէս 6800 հիւանդ, սակրաւորները ականազերծած են 123 հազար քառակուսի մեթր տարածք։