«Զուարթնոց»-ի Մէջ Տեղադրուած են Չուերթի Ինքնուրոյն Գրանցման Սարքեր
Հայաստանի «Զուարթնոց» օդակայանի մէջ արդէն հասանելի են չուերթի ինքնուրոյն գրանցման սարքեր:
Այս մասին կը տեղեկացնէ «Զուարթնոց» օդակայանի «Ֆէյսպուք»-եան էջը:
«Ուրախ ենք տեղեկացնելու, որ «Զուարթնոց» միջազգային օդակայանի մեկնողներու սրահին մէջ տեղադրուած սարքերու միջոցով հնարաւորութիւն ստեղծուեցաւ չուերթի համար ինքնուրոյն գրանցուիլ:
Նշենք, որ սարքերէն առայժմ կրնան օգտուիլ միայն «Էյրոֆլոթ» ընկերութեան այն ուղեւորները, որոնք կը ճամբորդեն ձեռքի ուղեբեռով»,- նշուած է յայտարարութեան մէջ: