Հայուհիներ` Forbes -ի Ամենահարուստ Կանանց Ցուցակին Մէջ
Forbes ամսագիրը հրապարակած է ամերիկացի ամենահարուստ կանանց վարկանիշային աղիւսակը, ուր 80 անուն ընդգրկուած է: Forbes կը յայտնէ, որ այժմ աւելի շատ կանայք կը ստեղծեն իրենց գործը ու կը կուտակեն հարստութիւն, քան առաջ: Այդ իսկ պատճառով այս տարի ցուցակը ընդլայնուած է նախորդ տարիներու համեմատ:
Ցուցակը երկրորդ տարին անընդմէջ կը գլխաւորէ American Builders & Contractors Supply Co ընկերութեան հիմնադիրներէն Դայեան Հենտրիքս, որ անցեալ տարի իր կարողութեան 2,1 միլիառ տոլար աւելցուցած է հասցնելով 7 միլիառի:
Ցուցակին մէջ երկու հայուհի կայ: 42-րդ տեղը ամերիկացի ձեւաւորող, բարերար եւ գործարար Քերոլայն Ռաֆայէլեանն է: Ան «Ալեքս եւ Անի» ընկերութեան հիմնադիրն է, որ կ՛արտադրէ բնապահպանական զարդեր: Անոր կորողութիւնը Forbes գնահատած է 520 միլիոն տոլար:
Ցուցակին 57-րդ տեղը կը գրաւէ Քիմ Քարտաշեան: Կարողութիւնը կը գնահատուի 370 միլիոն տոլար:
Ցուցակը կ՛եզրափակէ թենիսիստ Սերենա Ուիլեըմս 225 միլիոն տոլարով:
Ցուցակին մէջ ընդգրկուած են 21-92 տարեկան կանայք: Անոնց կարողութիւնը միասին կը կազմէ 81,3 միլիառ տոլար: