ՀՀ Կառավարութիւնը Գործազրկութեան Մակարդակի Նուազեցման Ծրագիր Մշակած է
ՀՀ կառավարութեան միջգերատեսչական յանձնաժողովը Հայաստանի մէջ գործազրկութեան մակարդակի նուազեցման ծրագիր է մշակած է: Այս մասին, ըստ Armenpress.am-ի, կառավարութեան Մայիս 16-ի նիստին, յայտնած է ՀՀ փոխվարչապետ Տիգրան Աւինեան` նշելով, որ 2018թ. վերջի դրութեամբ գործազրկութիւնը ՀՀ-ի մէջ կը կազմէ մօտ 20%:
«Միջգերատեսչական մեր յանձնաժողովը մշակած է ծրագիր մը, որ յենուած է երեք հիմնասիւներու վրայ: Առաջինը մարդկային կատարեալ զարգացումն է, երկրորդը` զբաղուածութեան խթանումը, երրորդը տարրական բարեփոխումներն են: Այս երեք ուղղութիւններով ալ շատ յստակ թիրախներ եւ ժամանակացոյց պիտի սահմանուի»,- ըսած է Աւինեան:
Փոխվարչապետը գլխադասային նախարարութիւններու ղեկավարներէն խնդրած է թիրախներն ու ժամանակացոյցը սահմանել մինչեւ Յունիս 15:
«Ձեռնարկները ամբողջութեամբ պատրաստ են: Մնացած է է սահմանել յստակ թիրախները, այսինքն` յստակ թուային այն արդիւնքները, որոնք կ՝ակնկալուին ամէն ձեռնարկէ, եւ այն ժամանակացոյցը, որմով մենք պիտի ընթանանք»,- նշած է փոխվարչապետը: