Դաւիթ Տօնոյեանի Հաւաստիացումով` Սահմանային Իրավիճակը Կայուն է
Հայաստանի եւ Ատրպէյճանի սահմանին վրայ իրավիճակը կայուն է: «Արմենփրես»-ի փոխանցմամբ` Ապրիլ 26-ին լրագրողներու հետ զրոյցի ժամանակ ըսած է ՀՀ պաշտպանութեան նախարար Դաւիթ Տօնոյեան:
«Կայուն է իրավիճակը: Անընդհատ նոյն վիճակն է, կրակոցներ կ՛ըլլան այն կողմէն, բայց ոչ թիրախաւորուած»,-ըսած է նախարարը:
Անդրադառնալով «Էրեբունի» օդակայանին մէջ ռուսական 3624-րդ ռազմական օդակայանը 4++ սերունդի Սու-30սմ բազմանպատակ կործանիչներով վերազինելու լուրերուն, Տօնոյեան ըսած է, որ ռազմակայանը պիտի արդիականացուի:
«Ռուսական ռազմակայանը պիտի արդիականացուի ժամանակի ընթացքին, եւ համապատասխան որոշումներ պիտի առնուին սպառազինութեան տեսակի ու քանակի վերաբերեալ»,- ըսած է նախարար Տօնոյեան: