Երեսփոխան Նորա Արիսեան Կը Հանդիպի Սուրիոյ Փոխնախագահին Հետ

Երեքշաբթի, Դեկտեմբեր 17-ին, մշակութային հարցերով Սուրիոյ փոխնախագահ դոկտ. Նաժահ Աթթար ընդունեց խորհրդարանի երեսփոխան դոկտ. Նորա Արիսեանը:

Հանդիպման առանցքները կազմեցին մշակութային եւ քաղաքական հարցեր. փոխնախագահը դրուատիքով արտայայտուեցաւ հայերուն եւ հայ մշակոյթին ու արուեստին մասին:

Նշենք, որ Արիսեան Հայոց ցեղասպանութեան եւ հայ գրականութեան մասին իր հեղինակած ու թարգմանած գիրքերէն օրինակներ նուիրեց դոկտ. Աթթարին, որոնք արժանացան վերջինիս բարձր գնահատանքին: