Արշիլ Կորքիի Ցուցահանդէս՝ Ուաթըրթաունի Հայկական Թանգարանին Մէջ

Դեկտեմբեր 12-ին պիտի կատարուի «Արշիլ Կորքի․ Վերագծելով Համայնքն ու Կապերը» ցուցահանդէսին բացումը, Ուաթըրթաունի (Մասաչուսէց) Հայկական Թանգարանին (ALMA): Այս ցուցահանդէսը Կորքիի գործերու առաջին մեծածաւալ ներկայացումն է, որ կ՛եզրափակէ շրջանի «Արշիլ Կորքիի 100-ամեակ» ծրագրի միջոցառումները։

Պիտի ցուցադրուին շուրջ 25 գործեր՝ տրամադրուած զանազան թանգարաններէ, որոնց կարգին Ուիթնիի Ժամանակակից Արուեստի Թանգարանը, Եյլի Համալսարանը, եւ Ամերիկայի Հայոց Եպիսկոպոսարանը։ Շատ մը գործեր, որոնք երբեք չեն ցուցադրուած, պիտի ստեղծեն մեծ հետաքրքրութիւն։

Ցուցահանդէսը պիտի ներկայացնէ արուեստի պատմաբան Քիմ Թերիըթ, որ հեղինակն է «Rethinking Arshile Gorky» գիրքին։ «Ցուցահանդէսը կը վերանշէ Կորքիի ժառանգութիւնը՝ շեշտելով անոր մարդկային կապերն ու արուեստական ներդրումները։ Անոր պատմութիւնը կը յիշեցնէ, թէ արուեստը եւ համայնքը միասին կ՚առաջնորդեն ստեղծագործականութեան», – կը յայտնէ Քիմ Թերիըթ։

Պիտի ցուցադրուին նաեւ Կորքիի (Ոստանիկ Ատոյեան) դիմանկարները եւ անոր մօր՝ Շուշան Տէր Մարտիրոսեան Ատոյեանին նուիրուած նկարը, որ ներշնչուած է յայտնի մօր եւ որդւոյ լուսանկարէն։ Այս գործը, որ կը գտնուի Ուիթնիի Թանգարանին մէջ, եւ առաջին անգամ պիտի ցուցադրուի Պոսթընի մէջ։

Այս պատմական ցուցադրութիւնը կը կազմակերպուի Ուաթըրթաունի «Արշիլ Կորքիի 100-ամեակ» յանձնախումբին կողմէ՝ համագործակցութեամբ Հայկական Ամերիկայի Թանգարանին, «Մովսէսեան» Արուեստի Կեդրոնին, եւ Ուոթըրթաունի Պատմական Ընկերութեան։