Այսօր Հրաչ Մուրատեանի Յիշատակի Օրն է

Այսօր, Ապրիլ 2-ին, Պռոշեանի նախկին գիւղապետ, Արցախեան գոյապայքարի լեգենդար հրամանատար, ՀՅԴ նուիրեալ անդամ Հրաչ Մուրատեանի եղերական մահուան օրն է:

Յիշատակի օրուան առիթով Պռոշեանի Զօրաց պանթէոն՝ անոր շիրիմը այցելած էին ՀՅԴ Հայաստանի Գերագոյն մարմնի անդամները, ԱԺ պատգամաւորներ, երիտասարդներ, ուսանողներ, անոր մարտական, գաղափարական ընկերները, հարազատներն ու համագիւղացիները: 

Հրաչ Մուրատեանը ծնած է 1963 թ. Օգոստոս 23-ին, Գամիշլի, Սուրիա։ 1966 թ. ընտանիքով տեղափոխուած է Պռոշեան գիւղ։ 2005 թուականէն մինչ մահը՝ 2013 թ. Ապրիլ 2, Պռոշեան գիւղի գիւղապետն էր: 1989 թուականէն մասնակցած է Արցախեան շարժման։ Պռոշեանի կամաւորական ջոկատի հիմնադիրներէն մէկն է։ 1990 թվականէն ՀՅԴ անդամ էր, ազատամարտի նուիրեալ հերոսներէն։ Լեգենդար Պետրոս Ղեւոնդեանի հետ անցած է ազատամարտի բոլոր ճակատներով՝ Շահումեանէն մինչեւ Ֆիզուլի։ Պարգեւատրուած է «Մարտական Խաչ» երկրորդ աստիճանի մետալով եւ շարք մը այլ պարգեւներով ու մետալներով։