«ԼՂ-էն Բռնի Տեղահանուած Հայերը Ունին Վերադառնալու Հիմնարար Իրաւունք». Ցոյց՝ Պրիւքսէլի Մէջ

Նոյեմբեր 10-ին, Պրիւքսէլի մէջ տեղի ունեցաւ մարդու իրաւունքներու, ընկերային արդարութեան եւ կլիմայի փոփոխութեան դէմ պայքարի աջակցութեան բազմաբնոյթ ցոյց։ Ցոյցին նպատակն էր առաջին հերթին դատապարտել COP29-ի գագաթնաժողովը հիւրընկալող ազրպէյճանի ընտրութիւնը՝ մարդու իրաւունքներու ոլորտէն ներս իր վիթխարի արդիւնքներուն պատճառով:

Պելճիքայի ՀՅԴ Հայ Երիտասարդական Դաշնակցութեան անդամ Արամ Գէորգեանի խօսքով՝ մասնակիցները հաւաքուած էին արտայայտելու իրենց հաւաքական վրդովմունքը ազրպէյճանի մէջ COP29-ի իրականացման աղմկայարոյց որոշման առնչութեամբ: «Աւելի քան 150,000 Լեռնային Ղարաբաղէն բռնի տեղահանուած հայերը ունին իրենց նախնիներուն տարածքը վերադառնալու հիմնարար իրաւունք։ Վերադարձի այս իրաւունքը պէտք է իրականացուի միջազգային երաշխիքներու ներքոյ՝ ապահովելու իրենց հազարամեայ հայրենիքին մէջ անվտանգ անցումը եւ վերաբնակեցումը»։