Արցախցիներու Հանդէպ Ատելութեան Խօսքը Օրէ Օր Նորանոր Դրսեւորումներ Կը Ստանայ. Գեղամ Ստեփանեան
Արցախի Հանրապետութեան ՄԻՊ Գեղամ Ստեփանեան կը գրէ.
«Սոցիալական ցանցերում եւ լրատուամիջոցներում արցախցիների դէմ տարածուող ատելութեան խօսքի մասին բաւականին խօսուել է։ Այս ընթացքում հրապարակային խնդրանքները, յորդորները որեւէ արդիւնք չեն տուած։ Ատելութեան խօսքը ոչ միայն չի նուազում, այլեւ օրեցօր նորանոր դրսեւորումներ է ստանում։
Նկարում պատկերուածը ատելութեան խօսքի վառ դրսեւորում է, որի վերաբերեալ բազմաթիւ արցախցիներ օպյեկտիւ վրդովմունք են արտայայտել՝ պահանջելով իրաւական պատասխանատւութեան ենթարկելու գործիքներ կիրառել։
Տեղեկացնեմ, որ այս հարցով Քաղաքական իրաւունքների հայկական կենտրոնի համահիմնադիր, իրաւապաշտպան Յովհաննէս Խուդոյեանը յանցագործութեան մասին հաղորդում է ներկայացրել ՀՀ իրաւապահ մարմիններին։ Կը հետեւենք ընթացքին:
Դրանից զատ, ուզում եմ նաեւ տեղեկացնել, որ Արտակ Բեգլարեանի, Նարէ Սիմոնեանի եւ Արեգա Յովսէփեանի հետ համատեղ մեկնարկում ենք նախաձեռնութիւն, որը նպատակ է հետապնդելու արձանագրելու արցախցիների դէմ ուղղուած ատելութեան խօսքի դրսեւորումները եւ իրաւական ու այլ եղանակներով պայքարելու դրանց դէմ։
Այս հարցում ակնկալում ենք ձեր աջակցութիւնը եւ խնդրում ենք ատելութեան խօսքի դրսեւորումներ նկատելու դէպքում յղումը կամ լուսանկարն ուղարկել Արցախի Մարդու իրաւունքների պաշտպան / Artsakh Ombudsman Facebook-եան էջին։ Ուղարկուած նիւթերն ամփոփուելու են զեկոյցների տեսքով եւ/կամ օգտագործուելու են ատելութիւն գեներացնողներին իրաւական պատասխանատւութեան ենթարկելու համար։
Միաժամանակ ակնկալում ենք փաստաբանական համայնքի աջակցութիւնը՝ հաւաքագրուած նիւթերի հիմքով իրաւական գործընթացներ նախաձեռնելու հարցում»։