ԵՄ-ն Մարդկայնական Օդային Կամուրջ Կը Բանայ՝ Գազա Օգնութիւն Հասցնելու Համար․ Ինչո՞ւ Մարդկայնական Միջանցք Չէին Գործարկեր Արցախի Շրջափակման Ժամանակ․ Տիգրան Աբրահամեան
ԱԺ «Պատիւ ունեմ» խմբակցութեան պատգամաւոր Տիգրան Աբրահամեան կը գրէ․
«Եւրոյանձնաժողովը յայտարարած է «ԵՄ մարդկայնական օդային կամուրջ» գործողութեան մեկնարկին մասին՝ Կազա մարդասիրական օգնութիւն հասցնելու նպատակով։
Ես, ի հարկէ, դէմ չեմ Կազայի խաղաղ բնակիչներուն մարդասիրական իրաւունքներու պաշտպանութեան եւ այն, ինչ տեղի կ՝ունենայ վերջին օրերուն, պարզապէս մարդկային ողբերգութիւն է` երկուստէք հարիւրաւոր զոհեր, որոնց մէջ կանայք եւ երեխաներ:
Բայց ինչո՞ւ միջազգային դերակատարները մարդկայնական միջանցք չէին գործարկեր Արցախի 9-ամսեայ շրջափակման ժամանակ, ինչո՞ւ նոյն դերակատարները լուռ կը հետեւէին ազրպէյճանական յարձակումներուն եւ որպէս հետեւանք՝ Արցախի մէջ ցեղական զտումներու իրականացման:
Թէ ինչ թշնամութիւն գործած է մեր ժողովուրդին հանդէպ հայաստանեան իշխանութիւնը, արդէն բոլորին պարզէ, բայց ատիկա չ՝արդարացներ միջազգային խաղացողները` իրենց անտարբերութեամբ ու լռութեամբ հարիւրաւոր զոհերու եւ մարդոց հայրենազրկման տանելու կամ այդ գործընթացին նպաստելու համար»: