Մենք Չենք Կրնար Այլ Ուղղութեամբ Նայիլ, Երբ Հայ Ժողովուրդը Արցախի Մէջ Կը Տառապի Մարդկայնական Ճգնաժամէ․ Ուրուկուէյի ՊՆ
Ուրուկուէյի պաշտպանութեան նախարար Խաւիեր Կարսիան Պուէնոս Այրէսի մէջ ՄԱԿ-ի խաղաղարար գործողութիւններուն նուիրուած Լատինական Ամերիկայի եւ Գարիպեան աւազանի համաժողովին ժամանակ անդրադարձած է ազրպէյճանի կողմէ Լեռնային Ղարաբաղի շրջափակման։ Այս մասին յայտնած է Diarioarmenia-ն։
«Մենք չենք կրնար այլ ուղղութեամբ նայիլ, երբ հայ ժողովուրդը Արցախի մէջ կը տառապի մարդկայնական ճգնաժամէ՝ Բերձորի միջանցքի փակումէն ետք մարդու իրաւունքներու ոտնահարումներուն պատճառով։ Եթէ խաղաղութեան այս ցամաքամասը, որ կը միաւորէ մեզ եւ որ մենք կ՝ընդունինք, իսկապէս ցամաքամաս է առաջնորդի կոչումով, ուստի անիկա չի կրնար չդատապարտել խաղաղութեան եւ մարդու իրաւունքներու դէմ ոտնձգութիւնները, որոնք կ՝իրականացուին Ուքրանիոյ մէջ ռուսական ներխուժումէն ի վեր, ինչպէս նաեւ մարդու իրաւունքներու խախտումները, որոնց հետեւանքները կը կրէ հայ ժողովուրդը»,- յայտարարած է Խաւիեր Կարսիան։