Կ՝ողջունենք Amnesty International-ի Անդրադարձը՝ ազրպէյճանի Կողմէ Արցախի Շարունակուող Շրջափակման

Կ՝ողջունենք Amnesty International միջազգային հեղինակաւոր իրաւապաշտպան կազմակերպութեան անդրադարձը՝ ազրպէյճանի կողմէ Արցախի շարունակուող շրջափակման վերաբերեալ, որմով կազմակերպութիւնը կ՝արձանագրէ, որ ազրպէյճանը Լեռնային Ղարաբաղի քաղաքացիական բնակչութիւնը զրկած է սնունդի մատակարարումներէն եւ մարդկայնական աջակցութենէն։ Այս մասին Facebook-ի իր էջին միջոցով յայտնած է Արցախի Հանրապետութեան մարդու իրաւունքներու պաշտպան Գեղամ Ստեփանեան:

«Կազմակերպութիւնը կ՝ընդգծէ նաեւ, որ ազրպէյճանը կը շարունակէ անտեսել ՄԱԿ-ի բարձրագոյն դատական մարմնին որոշումը, որմով դատարանը կը պարտադրէր ազրպէյճանին ապահովելու ազատ տեղաշարժը Բերձորի միջանցքէն, եւ կը պնդէր, որ ազրպէյճանը պէտք է վերացնէ Լեռնային Ղարաբաղի շրջափակումն ու վերջ դնէ մարդկայնական ճգնաժամին։

Միջազգային իրաւապաշտպան կազմակերպութիւններուն կողմէ նման յայտարարութիւններն ու իրավիճակին հասցէական գնահատականները պէտք է հիմք հանդիսանան միջազգային հարթակի վրայ որոշում կայացնողներուն համար՝ ազրպէյճանի հանդէպ զսպիչ եւ պատժիչ գործողութիւններ ձեռնարկելու համար»,- գրած է Ստեփանեան: