ազրպէյճանական Սադրանքին Հետեւանքով Հայկական Կողմը Ունի 4 Զոհ եւ 6 Վիրաւոր. ՊՆ
ազրպէյճանական սադրանքին հետեւանքով, հայկական կողմը ունի 4 զոհ եւ 6 վիրաւոր: Այս մասին կը հաղորդէ ՀՀ ՊՆ մամուլի քարտուղար Արամ Թորոսեանը:
«ազրպէյճանական կողմը ունի մեծաթիւ զոհեր եւ վիրաւորներ:
Ժամը 20:30-ի դրութեամբ իրադրութիւնը առաջնագիծի վրայ յարաբերականօրէն կայուն է:
Իրադրութեան ցանկացած փոփոխութեան պարագային պաշտպանութեան նախարարութիւնը հանդէս պիտի գայ հաղորդագրութեամբ»,- գրած է ան:
Յիշեցնենք, որ այսօր՝ ժամը 16:00-ի սահմաններուն, ազրպէյճանի ԶՈւ ստորաբաժանումները կրակած են Տեղ համայնքի հատուածին վրայ ճարտարագիտական աշխատանքներ իրականացնող ՀՀ ԶՈւ զինծառայողներու ուղղութեամբ: Նախնական տուեալներով՝ հայկական կողմը ունի զոհեր եւ վիրաւորներ: Ըստ լրատուամիջոցներու՝ վիրաւորներուն մէջ է նաեւ Յատուկ բանակային բաժանմունքի հրամանատար Արմէն Գիոզալեանը:
Ըստ ՊՆ-ի հաղորդագրութեան՝ ազրպէյճանի ԶՈւ ստորաբաժանումները կիրառած են նաեւ ականանետային միջոցներ: