Միլենա Խաչատրեանը Թուրք Մրցակիցին Նկատմամբ 4 քկ-ի Առաւելութեամբ Հռչակուեցաւ Եւրոպայի Մ20 Ախոյեան (լուսանկարներ)

Հայաստանը երկրորդ ախոյեանը ունեցաւ Ալպանիոյ մէջ ընթացող ծանրամարտի Եւրոպայի մինչեւ 20 տարեկաններու առաջանութեան: Կանանց 76 քկ քաշայիններու պայքարին մէջ Միլենա Խաչատրեանը երկամարտի 219 քկ արդիւնքով թուրք մրցակիցին նկատմամբ երկամարտի ընթացքին 4 քկ-ի առաւելութեամբ նուաճեց ախոյեանի կոչումը: Այս մասին կը հաղորդէ Sports.News.am-ը։

Խաչատրեանը պոկում վարժութեան ժամանակ յաջողութեամբ կատարեց բոլոր երեք մօտեցումները՝ բարձրացնելով 92 քկ, 96 քկ եւ 99 քկ: Այս վարժութեան ընթացքին ան նուաճեց փոքր ոսկէ մետալ:

Հրում վարժութեան ժամանակ գլխավերեւը պահեց նախ՝ 115 քկ, ապա՝ 120 քկ: Երրորդ մօտեցման համար պատուիրուած 125 քկ-ը ձախողեցաւ: Հրում վարժութեան ժամանակ ալ Խաչատրեանը արժանացաւ փոքր ոսկէ մետալի:

76 քկ քաշային կարգի մէջ արծաթէ մետալակիր դարձած է թուրք Տիլարա Ուչանը՝ երկամարտի 216 քկ արդիւնքով (96+120), պրոնզէ մետալակիր՝ Լաթվիոյ ներկայացուցիչ Տանիէլա Իւանովան (215, 97+118):