Հայ Կռփամարտիկները Մետալներով Վերադարձան Կարինէն

22 Օգոստոսին, Հայաստանի կռփամարտի պատանեկան հաւաքականը Կարինէն վերադարձաւ Երեւան:

Արթուր Մելքումեանի գլխաւորած կազմը իրեն հետ Երեւան բերաւ վեց մետալ, որոնցմէ երկուքը` ոսկի:

Կարնոյ մէջ տեղի ունեցած Եւրոպայի կռփամարտի պատանեկան ախոյեանութեան, Եւրոպայի ախոյեան հանդիսացան Համեստ Աֆրիկեան (42 քկ) եւ Սամուէլ Սիրամարգեան (66 քկ):

Իսկ պրոնզէ մետալներու տիրացան Վահրամ Դովլաթբէկեան (40 քկ), Տիգրան Յովսէփեան (50 քկ), Ալէն Ստեփանեան (57 քկ) եւ Հայկ Ղահրամանեան (75 քկ):