Ափօ Սահակեանի Արցախեան Համերգները

Մայիս 7-ին եւ 8-ին Արցախի մէջ տեղի պիտի ունենան երգիչ, երգահան ու գրող, դաշնակցական Ափօ Սահակեանի (Երուսաղեմէն) համերգները: Այս մասին ԵՌԱԳՈՅՆ-ը կը տեղեկանայ «Ապառաժ»-էն։

Մարտունի քաղաքին մէջ համերգը տեղի պիտի ունենայ Մայիս 7-ին, ժամը 18:00-ին, Մարտունիի մշակոյթի տան մէջ, իսկ Ստեփանակերտի մէջ՝ Մայիս 8-ին, ժամը 20:00-ին, Պոլ Էլիւարի Ֆրանքոֆոնիայի կեդրոնին մէջ (Ստեփանակերտ, Թումանեան 95):

Ելոյթը տեղի պիտի ունենայ Թուֆենկեան բարեգործական հիմնադրամի «Ե՛կ, աշխարհը պիրինք Արցախ» նախաձեռութեան ծիրէն ներս: Այդ ծիրէն ներս՝ Հայաստանի եւ Սփիւռքի յայտնի ու խոստմնալից հայ գործիչները պիտի այցելեն Արցախ ու հանրային ելոյթներ ունենան այնտեղ: Ելոյթը կը կազմակերպուի Համազգային հայ կրթական եւ մշակութային միութեան Արցախի գրասենեակին հետ համագործակցաբար:

Մուտքը ազատ է եւ բաց է հանրութեան համար: