Յունաստանի Մէջ Եպիսկոպոսական Ս. Պատարագ՝ Ս. Վարդանանց Զօրավարաց Տօնին Առիթով
Ի գիտութիւն հաւատացեալ մեր ժողովուրդին կը հաղորդենք, թէ Ս. Վարդանանց Զօրավարաց տօնին առթիւ, Հինգշաբթի, 24 Փետրուար 2022-ի առաւօտեան ժամը 10։00-ին, պիտի կատարուի Ս. եւ անմահ պատարագ Նէոս Գոզմոսի «Ս. Կարապետ» եկեղեցւոյ մէջ։
Պիտի պատարագէ եւ յաւուր պատշաճի քարոզէ
Յունաստանի Հայոց Թեմի Առաջնորդ
Գերշ. Տ. Գեղամ Ս. Արք. Խաչերեան
Այսու կը հրաւիրենք մեր ժողովուրդը, մասնակից դառնալու ազգային տօնի Ս. պատարագին եւ լսելու օրուան հայաշունչ պատգամը։
Հարկ է յիշեցնել, թէ գորոնա համաճարակի պատճառով, եկեղեցիներէն ներս կը յարգուին առողջապահութեան նախարարութեան ցուցմունքներն ու դասաւորումները։
ԿՐՕՆԱԿԱՆ ԺՈՂՈՎ
