Հայաստանի Սամպոյի Ներկայացուցիչները Հինգ Մետալի Տիրացան

Մինսքի մէջ (Պիելոռուսիա) տեղի ունեցած Եւրոպայի սամպոյի բաժակի մրցաշարքին իր մասնակցութիւնը բերած Հայաստանի ներկայացուցիչները տիրացան հինգ մետալի (1 ոսկի, 2 արծաթ եւ 2 պրոնզ):

Անոր իրենց մասնակցութիւնը բերին 11 երկիրներէ աւելի քան 150 մարզիկներ: Հայաստան ունէր եօթը ներկայացուցիչ:

Յիշատակելի եղաւ այն, որ 58 քկ դասակարգին մէջ, առաջին երեք դիրքերը գրաւողները եղան Հայաստանի ներկայացուցիչները:

Տիգրան Կիրակոսեան տիրացաւ ոսկի մետալին` աւարտականին յաղթելէ ետք Դաւիթ Յովսէփեանին:

Իսկ պրոնզ մետալին տիրացաւ Կարէն Սարգսեան:

Կարլեն Մահինեան 71 քկ դասակարգին մէջ տիրացաւ արծաթ մետալի, իսկ Դաւիթ Գրիգորեան (88 քկ)` պրոնզ մետալի:

Արմէն Մնացականեան (58 քկ) եւ Արման Մանուկեան (98 քկ եւ վեր) անմասն մնացին մետալներէն: