Մահացած է Մեծանուն Բանաստեղծ Ռազմիկ Դաւոյեանը

Երեւանի մէջ, Յունուար 11-ին, մահացած է մեծանուն բանաստեղծ Ռազմիկ Դաւոյեանը։ Այս մասին, ըստ «Երկիր»-ի, յայտնած է բանաստեղծի ընտանիքը։

Դաւոյեանը ծնած է 1940-ին, Սպիտակի շրջանի Մեծ Պարնի գիւղին մէջ: 1964-ին  աւարտած է Երեւանի Խ. Աբովեանի անուան Հայկական պետական  մանկավարժական ուսումնարանի պատմալեզուագրական բաժանմունքը:

1965-էն վարած է «Գրական  թերթ»-ի պոեզիայի եւ արձակի բաժինը: 1970-ին  աշխատած է Սփիւռքահայութեան հետ մշակութային կապի կոմիտէի մէջ՝ իբրեւ աւագ խորհրդական:

1991-1999թթ. եղած է Համազգային հայ կրթական եւ մշակութային միութեան՝ Հայաստանի վարչութեան նախագահը։           

1994-1996թթ. ընտրուած է Հայաստանի Գրողներու միութեան վարչութեան  նախագահ:

1999-2003թթ.՝ Հայաստանի  Հանրապետութեան նախագահի խորհրդական: