Հայկ. Մ. Մարտիրոսեանը Պայքարէն Դուրս Ձգեց Ազրպէյճանի Հաւաքականի Առաջատարը

Սոչիի մէջ իրականացուող ճատրակի աշխարհի բաժակի խաղարկութեան 1/32 եզրափակիչին՝ Հայաստանի ներկայացուցիչ, 21–ամեայ Հայկ Մ. Մարտիրոսեան (2648) պայքարէն դուրս ձգեց Ազրպէյճանի հաւաքականի առաջատար, համաշխարհային վարկանիշային աղիւսակի 6–րդ համար, 36–ամեայ Շաքրիար Մամետեարովը (2770)։ Այս մասին ԵՌԱԳՈՅՆ-ը կը տեղեկանայ News.am-էն։

2016թ. աշխարհի մինչեւ 16 տարեկաններու ախոյեան Հայկ Մ․ Մարտիրոսեանը աշխարհի բաժակի խաղարկութեան Հայաստանի վերջին ներկայացուցիչն է։

1/16 եզրափակիչին անոր մրցակիցը պիտի ըլլայ խորուաթ Անդէ Պրգիչը (2592)։

Հայկ Մ. Մարտիրոսեան առաջին շրջանին յաղթած էր զամպիացի Չիտումպօ Մւալիին (2281), երկրորդ շրջանին՝ թուրք Մուսթաֆա Եիլմազին (2630)։