Ամենայն Հայոց Կաթողիկոսի Ստորագրութեամբ Հաստատուած է Գորիսի Զինուորական Պանթէոնին Նախագիծը
Ամենայն Հայոց Կաթողիկոսի ստորագրութեամբ հաստատուած է Գորիսի զինուորական պանթէոնի նախագիծը։ Այս մասին կը տեղեկացնէ
Գորիսի փոխքաղաքապետ Իրինա Եոլեան։
«Վեհափառի ստորագրութեամբ Գորիսի զինուորական պանթէոնին նախագիծը հաստատուեցաւ։ Գորիս կատարած հովուապետական այցին ծիրէն ներս՝ Ամենայն Հայոց Կաթողիկոսը այցելած է պատերազմի ընթացքին ստեղծուած պանթէոն։
«Ծանօթանալով պանթէոնի տարածքի կառուցման նախագիծին՝ Վեհափառը իր աջակցութիւնը յայտնեց նախագիծին, մատուռի կառուցման աշխատանքներու իրականացման»,- գրած է Գորիսի փոխքաղաքապետը։
Յիշեցնենք, որ Ամենայն Հայոց կաթողիկոսը այսօր մեկնած է Սիւնիք, որմէ ետք կը մեկնի Արցախ։