Սիմոն Մարտիրոսեան Կրնայ Ստանալ Ռիոյի Ողիմպիական Խաղերու Ոսկէ Մետալը

Ծանրամարտիկ, Ռիօ-2016 Ողիմպիական խաղերու արծաթէ մետալակիր Սիմոն Մարտիրոսեան 2020 թուականի Յունուարին կրնայ ստանալ ողիմպիական ոսկէ մետալը:

Այս մասին յայտնած է Հայաստանի ծանրամարտի հաւաքականի գլխաւոր մարզիչ Փաշիկ Ալավերտեան, կը հաղորդէ Yerkirmedia-ն:

«Միջազգային ֆետերասիոնը արդէն իսկ շնորհաւորած է մեզ Սիմոն Մարտիրոսեանի ոսկէ մետալին համար, քանի որ Ռիօ-2016-ի խաղերու ախոյեան Ռուսլան Նուրուտինովի` դեռ 2012 թուականի Լոնտոնի Ողիմպիական խաղերու տոփինկի քննութինը դրական եղած է»,- ըսած է Ալավերտեան:

Սիմոն Մարտիրոսեան Ռիոյի Ողիմպիական խաղերուն երկամարտի 417 քկ․ արդիւնքով երկրորդն էր: Ռիոյի Ողիմպիական խաղերու յաղթող Նուրուտինով Լոնտոնի մէջ գրաւած էր 4-րդ տեղը: Ատիկա ստիպած էր Միջազգային Ողիմպիական կոմիտէին վերանայելու նախորդ Ողիմպիական խաղերու քննութիւնները: