Արցախի Մէջ Քարշակը Պայթած է Ականի Վրայ

Նոյեմբեր 25-ին, ժամը 18:10-ին, Մարտակերտի շրջանային բուժմիաւորումէն Արցախի ոստիկանութեան Մարտակերտի շրջանային բաժին հաղորդուած է, թէ նոյն օրը, ժամը 18:00-ին, գլխուղեղի ցնցումով իրենց մօտ ընդունուած է ՀՀ Վայոց Ձորի մարզի բնակիչ, 1997-ի ծնունդ Վ. Ս.-ն։ Այս մասին կը յայտնեն ԱՀ ոստիկանութենէն:

Պարզուած է ՝ Վ.Ս.-ն մարմնական վնասուածքը ստացած է նոյն օրը, ժամը 16:00-ի սահմաններուն, Մարտակերտ քաղաքի յարակից տարածքի վրայ «ԿԱՏ-428» մակնիշի քարշակով ջրագիծը անցնելու աշխատանքներ կատարելու ժամանակ` քարշակի ետեւի աջ անիւը ականի վրայ պայթելուն հետեւանքով:

Նշանակուած է դատաբժշկական փորձաքննութիւն: