Հայաստանէն Եւ Արցախէն Լրագրողներ Այցելած Են Ատրպէյճան. Աննա Նաղդալեան
Հայաստանի եւ Արցախի լրատուամիջոցներու ներկայացուցիչները, 17-21 Նոյեմբեր, այցելած են Ատրպէյճան, իսկ ազրպէյճանական լրատուամիջոցներու ներկայացուցիչները` Հայաստան եւ Արցախ: Այս մասին յայտնած է Հայաստանի արտաքին գործոց նախարարութեան մամլոյ բանբեր Աննա Նաղդալեան` պատասխանելով լրագրողներու փոխանակման ծրագիրի վերաբերեալ հարցումին:
«17-21 Նոյեմբերին տեղի ունեցած է լրագրողներու խումբերու փոխանակում. Հայաստանի եւ Արցախի լրատուամիջոցներու ներկայացուցիչները այցելած են Ատրպէյճան, իսկ ատրպէյճանական լրատուամիջոցներու ներկայացուցիչները` Հայաստան եւ Արցախ:
Ծրագիրը նախապատրաստուած եւ կեանքի կոչուած է ԵԱՀԿ-ի գործող նախագահի անձնական ներկայացուցիչի համակարգումով եւ Հայաստանի, Արցախի եւ Ազրպէյճանի համապատասխան նախարարութեանց ներգրաւումով»,- յայտնած է ան: