Էրտողանի Հետ Հանդիպումէն Ետք Ամերիկացի Ծերակուտականը Արգելք Դրած է Հայոց Ցեղասպանութեան Ճանաչման Բանաձեւին Վրայ
Հանրապետական ծերակուտական Լինտսի Կրեմ արգելափակած է Ծերակոյտին կողմէ Հայոց Ցեղասպանութեան ճանաչման բանաձեւի ընդունումը, կը հաղորդէ News.am՝ վկակակոչելով ՌԻԱ «Նովոսթի»-ն:
«Ես նոր հանդիպեցայ Էրտողանի եւ նախագահ Թրամփի հետ եւ խօսեցայ խնդիրներու մասին, որոնց դէմ հանդիման կը գտնուինք Սուրիոյ մէջ Թուրքիոյ ներխուժման պատճառով: Ես յոյս ունիմ, որ Թուրքիան եւ Հայաստանը կրնան միասին լուծել այդ խնդիրը»,- ըսած է Կրեմ Ծերակոյտի` հեռուստատեսութեամբ հեռարձակուող նիստի ժամանակ: Կրեմ, որ կը համարուի Թրամփի մօտ դաշնակիցը, աւելցուցած է, որ ծերակուտականները «պէտք չէ ոչ գունազարդեն, ոչ ալ նորէն գրեն պատմութիւնը»:
Քոնկրեսի վերին պալատի օրէնսդրութեան համաձայն՝ ծերակուտականներէն ոեւէ մէկը կրնայ կասեցնել օրենսդրական նախաձեռնութիւն մը: