Սիմոն Մարտիրոսեան Դարձաւ Եւրոպայի Երիտասարդներու Ախոյեան

Հայաստանի ծանրամարտի հաւաքականի անդամ Սիմոն Մարտիրոսեան դարձաւ Եւրոպայի Մ23 տարեկաններու ախոյեան:

Ըստ Armenpress.am-ի՝ Պուխարեսթի մէջ ընթացող Եւրոպայի երիտասարդներու առաջնութեան, գերծանր քաշային կարգի մէջ, Մարտիրոսեան նախ բարձրացուց 192 քկ: Երկրորդ մօտեցմամբ չբարձրացուց 198 քկ, բայց երրորդ մօտեցմամբ բարձրացուց 198 քկ, որ ցուցանիշ էր: Այս ձեւին մէջ Մարտիրոսեանը դարձաւ փոքր ոսկէ մետալակիր: Այնուհետեւ, յաջորդաբար, հրեց 231 քկ, 236 քկ, սակայն չբարձրացուց 242 քկ: Հրում ձեւին մէջ եւս, հայ ծանրորդը արժանացաւ ոսկէ մետալի: Երկամարտի 434 քկ արդիւնքով Սիմոն Մարտիրոսեան դարձաւ Մ23 տարեկաններու Եւրոպայի ախոյեան:

Նշենք, որ Սիմոն Մարտիրոսեան Ռիօ տէ Ժանէյրոյի 2016 թուականի Ողիմպիական խաղերու արծաթէ մետալակիր է: Աշխարհի եւ Եւրոպայի կրկնակի ախոյեան է: