Հայաստան Ժամանած է Պելառուսիոյ Նախագահ Ալեքսանդր Լուքաշենքոն (լուսանկարներ)

Հայաստան ժամանած է Պելառուսիոյ Հանրապետութեան նախագահ Ալեքսանդր Լուքաշենքոն: Ըստ Armenpress.am-ի՝ «Զուարթնոց» օդակայանին մէջ զինք դիմաւորած է ՀՀ փոխվարչապետ Մհեր Գրիգորեան:

Լուքաշենքոն, Հոկտեմբեր 1-ին, Երեւանի մէջ պիտի մասնակցի Բարձրագոյն Եւրասիական տնտեսական խորհուրդի ընդլայնուած կազմով նիստին, որուն պիտի մասնակցին նաեւ ԵԱՏՄ անդամ միւս երկիրներու ղեկավարները՝ Հայաստանի վարչապետ Նիկոլ Փաշինեանը, Ռուսիոյ Դաշնութեան նախագահ Վլատիմիր Փութինը, Խրխըզիստանի Հանրապետութեան նախագահ Սոորոնպայ Ժէենբեկովը, Ղազախստանի Հանրապետութեան նախագահ Գասիմ Ժոմարդ-Թոգաեւը եւ Եւրասիական տնտեսական յանձնաժողովի անձնակազմի նախագահ Տիգրան Սարգսեանը:

Իրանի Իսլամական Հանրապետութեան նախագահ Հասան Ռոհանին ու Սինկափուրի Հանրապետութեան վարչապետ Լի Սյէն Լուն ներկայ պիտի ըլլան հրաւիրեալ երկիրներու ղեկավարներու կարգավիճակով, Մոլտովայի նախագահ Իկոր Տոտոնը՝ իբրեւ դիտորդի կարգավիճակով գտնուող երկրի ղեկավար:

Լուսանկարները՝ Հայկ Մանուկեանի