Արարատ-Արմէնիան Պատմութիւն Կերտեց եւ Հասաւ ԵԼ-ի Փլէյ-օֆֆ

Եւրոպա լիկայի որակաւորման երրորդ փուլին «Արարատ-Արմէնիա»-ն կը մրցէր Վրաստանի ախոյեան «Սաբուրթալօ»-ի հետ:

Առաջին խաղին վրացական խումբը յաղթեց 2-1 հաշուով: Պատասխան խաղը կայացաւ Թիֆլիսի մէջ եւ աւարտեցաւ «Արարատ-Արմէնիա»-ի պատմական յաղթանակով՝ 2-0։ Այս մասին կը հաղորդէ armsport-ը:

Հանդիպումը անցաւ գերլարուած պայքարի մէջ: Վարդան Մինասեանի խումբը մինչեւ խաղի վերջը կռիւ տուաւ ու կրցաւ հասնիլ դրական արդիւնքի:

Հանդիպման հաշիւը բացաւ ռուս յարձակող Անտոն Գոպէալգոն: Երեւանեան խումբի ֆութպոլիստը եզրափակեց Ֆուրճել Նարսինկի փոխանցումը:

Վարդան Մինասեանի ֆութպոլիստները սկսած գործը աւարտին հասցուցին երկրորդ խաղակէսին: Փոխարինման մտած Պետրոս Աւետիսեանը յստակ իրացուց 11-մեթրանոցը ու իր խումին պարգեւեց յաջորդ փուլի ուղեգիր:

Անհաւանական յոյզեր ու ապրումներ, որոնք հայկական ֆութպոլին բացառիկ արդիւնք ապահովեցին: Մեր պատմութեան մէջ առաջին անգամ հայկական ակումբը պիտի մասնակցի Եւրոպա լիկայի փլէյ-օֆֆ փուլին:

«Արարատ-Արմէնիա»-ն այս փուլով պիտի մրցի «Դիւդելանժ»-ի հետ: