Սուրիոյ Մէջ Մարդասիրական Առաքելութեան Հայ Սակրաւորները 25 հազար 290 քմ Տարածք Ականազերծած Են

 Սուրիոյ Արաբական Հանրապետութեան մէջ մարդասիրական առաքելութիւն իրականացնող հայ մասնագէտներու խումբի սակրաւորները Փետրուար 19-էն Մայիս 2 տեխնիկական հետազօտութեան եւ մաքրման աշխատանքներու ժամանակ 25 հազար 290 քմ տարածք ականազերծած են:

Այս մասին նշուած է «Մարդասիրական ականազերծման եւ փորձագիտական կեդրոն» ՊՈԱԿ-ի էջին մէջ:

 «Յայտնաբերուած են հակահետեւակային ականներ (ՊՄՆ-2` 11 հատ, ՄՕՆ-50` 2 հատ), հակափխադրամիջոցներու ականներ (ՏՄ- 62` 9 հատ, SB – 80` 1 հատ), ձեռքի նռնակ (Ֆ-1` 3 հատ), կասետային ենթառազմամթերք` 1 հատ, ինքնաշէն` 2 հատ: Մարդասիրական խումբի բժիշկները հետազօտական եւ վիրաբուժական բնոյթի բուժօգնութիւն ցուցաբերած են հարիւրաւոր քաղաքացիներու: Իրականացուած են նաեւ բուժական, կենսաքիմիական եւ տարրալուծական հետազօտութիւններ: Հայ մասնագէտները կը շարունակեն իրենց մարդասիրաան առաքելութիւնը»,-նշուած է ՊՈԱԿ-ի տարածած հաղորդագրութեան մէջ: