Հակառակորդը Կրակած է Բաղանիսի Ճանապարհին Ուղղութեամբ

Այսօր` Ապրիլ 29-ին, հակառակորդը կրակած է Տաւուշի մարզի Բաղանիս գիւղի ճանապարհին ուղղութեամբ: Այս մասին՝ ըստ Tert.am-ի՝ ըսած է Բաղանիսի համայնքապետ Նարեկ Սահակեանը:

«Մինչեւ գիւղ հասնելու ճանապարհին ուղղութեամբ կրակած են, գիւղի ուղղութեամբ կրակոցներ չեն եղած: Իջեւանի կողմէն մինչեւ գիւղ հասնող` Այգեպար-Բաղանիս ճանապարհին վրայ կրակած են: Կրակահերթը կարճ եղած է»,- նշած է Նարեկ Սահակեանը:

Անոր տեղեկացմամբ` վնասներ չեն եղած: Այս պահուն իրավիճակը հանգիստ է:

Համայնքապետը նաեւ յայտնած է, որ վերջին անգամ Բաղանիսի ուղղութեամբ ատրպէյճանական կողմը կրակ բացած էր 2018-ի Սեպտեմբեր 12-ին: