Օր Մը, Ի Վերջոյ, Ջահերով Երթը Յաղթանակով Պիտի Պսակուի

«Այսօր Հայաստանի այլ քաղաքներու եւ Արցախի մէջ, ինչպէս նաեւ աշխարհասփիւռ հայկական գաղթօճախներու մէջ եւս մեկնարկած է ջահերով երթը: Սիրելի’  երիտասարդներ, ջահերով երթը պիտի շարունակուի այնքան ժամանակ, քանի դեռ Թուրքիան չէ առերեսուած իր պատմական ճշմարտութեան հետ, քանի դեռ մարդկութեան դէմ ծանր յանցագործութիւն կատարած պետութեան իրաւայաջորդը, այսինքն` ներկայ Թուրքիան, կը շարունակէ մերժման եւ ժխտողականութեան քաղաքականութիւնը: Վստահաբար կ՝ըսեմ` ձեր երթը պիտի պսակուի յաղթանակով: Արեւմտեան Հայաստանի ժառանգները պիտի վերադառնան իրենց օճախները, բայց արդէն` տիրոջ կարգավիճակով: Այս է ջահերով երթի վերջնական նպատակը»,- ըսած է ան: