Արցախի եւ Հայաստանի Նախագահները Մաղաւուզ ի Մէջ Մասնակցած են Զոհուած Ազատամարտիկներու Յուշահամալիրի Բացման Հանդիսաւոր Արարողութեան

Արցախի Հանրապետութեան նախագահ Բակօ Սահակեան Հայաստանի Հանրապետութեան նախագահ Արմէն Սարգսեանի հետ Ապրիլ 1-ին այցելած է Մարտակերտի շրջանի Մաղաւուզ գիւղ եւ մասնակցած բնակավայրի ազատագրման 26-ամեակի ժամանակ զոհուած ազատամարտիկներու յուշահամալիրի բացման հանդիսաւոր արարողութեան:

Այս մասին կը յայտնեն Արցախի Հանրապետութեան նախագահի աշխատակազմի տեղեկատուութեան գլխաւոր վարչութենէն:

Նախագահ Սահակեան պետական բարձր պարգեւներ յանձնած է խումբ մը ազատամարտիկներու եւ հանդէս եկած ելոյթով:

Ան նշած է, որ մաղաւուզցիները միշտ ալ յայտնի եղած են իրենց հայրենասիրութեամբ` աշխուժօրէն մասնակցելով հայրենիքի պաշտպանութեան գործին: Նախագահը կարեւոր համարած է Մաղաւուզի ազատագրումը` որպէս մեր ազգային-ազատագրական պայքարի նշանակալի յաղթանակներէն մէկը:

Ան ընդգծած է, որ մեր բոլոր յաղթանակներու ամրապնդման լաւագոյն միջոցը հայրենի երկրի զարգացումն ու զօրացումն է` անհրաժեշտ համարելով վերականգնել Մաղաւուզի երբեմնի համբաւն ու տնտեսական ներուժը: