Բնակարաններու Գիները Աճած Են Թէ՛ Երեւանի Եւ Թէ Մարզերուն Մէջ

Անշարժ գոյքի կադաստրի (կալուածագիրի) վարչութիւնը կը յայտնէ, որ Փետրուար 2019-ին, Հանրապետութեան տարածքին անշարժ գոյքի նկատմամբ իրականացաւ պետական գրանցման 13,223 գործարք. ցուցանիշը Յունուար 2019-ի հետ համեմատած՝ աճած է 43.6 տոկոսով,  Փետրուար 2018-ի հետ՝ 4.1 տոկոսով:

«Երեւանի մէջ 2019 թուականի Փետրուարին բազմաբնակարան բնակելի շէնքերու բնակարաններու 1 քառ. մեթր մակերեսի հաշուարկով շուկայական միջին գիները 2019 թուականի Յունուարի համեմատ աճած են 0.7 տոկոսով, իսկ 2018 թուականի Փետրուարի համեմատ՝ 9.1 տոկոսով: Մարզերու քաղաքներուն մէջ 2019-ի Փետրուարին բազմաբնակարան բնակելի շէնքերու բնակարաններու 1 քառ. մեթր մակերեսի հաշուարկով շուկայական միջին գիները 2019-ի Յունուարի համեմատ աճած են 0.6 տոկոսով»,- կ՛ըսուի հաղորդագրութեան մէջ: