Ամենայն Հայոց Գարեգին Բ Կաթողիկոս Վատիկանի Մէջ Հանդիպեցաւ Հռոմի Պապին
Ամենայն Հայոց Գարեգին Բ Կաթողիկոս Վատիկանի մէջ Հոկտեմբեր 24-ին հանդիպած է Հռոմի Ֆրանչիսկոս Պապի հետ: Վեհափառ Հայրապետի «ֆէյսբուք»-ի պաշտօնական էջին մէջ հանդիպումը փաստող լուսանկարներ տեղադրուած են, ինչպէս նաեւ արձանագրութիւն, ուր նշուած է. «Հանդիպում մեր հոգեւոր եղբօր` Հռոմի Սրբազան Քահանայապետ Ֆրանչիսկոս Պապի հետ»:
Գարեգին Բ․ Ամենայն Հայոց Կաթողիկոսը Հոկտեմբեր 23-ին շքախումբի ուղեկցութեամբ Միլանէն մեկած է Հռոմ: Անոր կ՛ուղեկցին Շիրակի թեմի առաջնորդ Տ. Միքայէլ եպիսկոպոս Աջապահեան, գաւազանակիր Տ. Անանիա աբեղայ Ծատուրեան եւ երգահան Տիգրան Մանսուրեան: