Երեւանի Մէջ Պիտի Տեղադրուի «Մատեան Ողբերգութեան» Յուշարձանը

«Վերածնունդ» մշակութային եւ զարգացման հիմնադրամը յայտարարած է քանդակագործութեան մրցոյթ` նուիրուած Սուրբ Գրիգոր Նարեկացիի «Մատեան ողբերգութեան» քերթուածին:

«Մայրաքաղաքի սրտին մէջ` Կաթողիկէ Ս. Աստուածածին եւ յարակից նորակառոյց Ս. Աննա եկեղեցիներու բակին մէջ տեղադրուելիք յուշարձանը պիտի դառնայ ազատութեան, հոգեւորի եւ աշխարհիկի իւրօրինակ ամբողջութիւն», – ըսուած է հիմնադրամի հաղորդագրութեան մէջ:

Մրցոյթին կրնան մասնակցել քանդակագործներ ինչպէս Հայաստանէն, այնպէս ալ աշխարհի տարբեր երկիրներէ:

Մասնակցութեան յայտերը կ՛ընդունուին Հոկտեմբեր 13-էն մինչեւ Դեկտեմբեր 1:

Մրցոյթի մանրամասնութիւնները հասանելի են http://competition.narekatsi.com/ կայքին մէջ: