Հայաստանի Կեդրոնական Դրամատունը Շրջանառութեան Մէջ Դրած է Արծաթէ Նոր Յուշադրամներ

Areky Այլեւայլ, Հայաստան
Հայաստանի Հանրապետութեան կեդրոնական դրամատունը, Սեպտեմբեր 25-ին, շրջանառութեան մէջ դրած է «Հայկական գորգ» շարքի «Վիշապագորգ», «Արեւագորգ», «Արծուագորգ», «Խորանագորգ», «Խաչխորան գորգ», «Մեղուաբուն գորգ», «Կենաց ծառ գորգ», «Վահանով (վահանակիր) գորգ», «Որոտան գորգ», «Պռոշաբերդ գորգ» արծաթէ յուշադրամները:

ՀՀ կեդրոնական դրամատան հասարակայնութեան հետ կապերու ծառայութեան տեղեկութիւններով՝  յուշադրամներու դիմերեսին պատկերուած է ՀՀ զինանշանը եւ Ծաղկախաչ գորգի զարդանախշ (15-րդ դար, Վասպուրական):

Յուշադրամներու դարձերեսին պատկերուած են Վիշապագորգը (17-րդ դար, Արցախ), Արեւագորգը (18-19-րդ դարեր, Արցախ), Ջրաբերդ արծուագորգը (19-րդ դարի վերջ, Արցախ), Խորանագորգը (19-րդ դար, Շիրակ), Խաչխորան գորգը (19-րդ դարի վերջ, Սիւնիք), Մեղուաբուն գորգը (19-րդ դարի վերջ, Արցախ), Կենաց ծառ գորգը (19-րդ դարի վերջ, Արցախ), Վահանով (վահանակիր) գորգը (19-րդ դար, Տաւուշ), Որոտան գորգը (19-րդ դար, Սիւնիք) եւ Պռոշաբերդ գորգը (19-րդ դարի վերջ, Վայոց Ձոր):

Ճարտարագիտական չափանիշները՝

Անուանական արժէքը        1000 դրամ

Մետաղը/յարգը                արծաթ 9250

Չափը                              32,5 ճ 48,0 մմ

Քաշը                               33,6 գ

Որակը                              փրուֆ

Դրամաշուրթը                   հարթ

Քանակը                           մինչեւ 500 հատ իւրաքանչիւր տեսակէն

 

Էսքիզներուն հեղինակներն են Աննա Խաչատրեան եւ Վարդան Վարդանեան:

Հատուած են Լիթվիայի դրամահատարանին մէջ:

Ծանուցում

Յուշադրամները թանկարժէք մետաղներէ պատրաստուած դրամներ են, որոնք կը թողարկուին երկրի ազգային, միջազգային, պատմամշակութային, հոգեւոր եւ այլ արժէքները հասարակութեան ներկայացնելու, զանոնք մետաղի տեսքով յաւերժացնելու, ինչպէս նաեւ դրամագիտական շուկայի պահանջարկը բաւարարելու նպատակով:

Ինչպէս ցանկացած դրամ, յուշադրամները ունեն անուանական արժէք, որմով եւ կը ներկայանան իբրեւ վճարամիջոց: Սակայն, յուշադրամներու անուանական արժէքը շատ աւելի ցած է ինքնարժէքէն, որ բաղկացած է յուշադրամի պատրաստման համար օգտագործուած թանկարժէք մետաղի արժէքէն, արտադրութեան եւ այլ ծախսերէ: Ցած անուանական արժէքն ու բարձր ինքնարժէքը հնարաւորութիւն կու տան այս տեսակի դրամը դիտարկելու ոչ թէ իբրեւ դրամաշրջանառութեան մէջ օգտագործուող վճարամիջոց, այլ իբրեւ հաւաքորդական առարկայ: Յուշադրամները ունին նաեւ ՀՀ կեդրոնական դրամատան կողմէ սահմանուած վաճառքի գին:

Յուշադրամները՝ հանդիսանալով հաւաքորդական առարկայ, կը թողարկուին խիստ սահմանափակ քանակով եւ չեն վերաթողարկուիր:

Դրամագէտները, հաւաքորդներն ու ցանկացողները կրնան գնել ՀՀ յուշադրամները ՀՀ կեդրոնական դրամատան «Դրամագէտ» վաճառասրահէն, որ կը գործէ դրամատունէն ներս եւ բաց է բոլորի համար: