Էրտողան Որոշած է Վանայ Լիճի Ափին Նախագահական Պալատ Կառուցել

Թուրքիոյ նախագահ Ռեճեփ Թայիփ Էրտողան Մանազկերտի ճակատամարտի յաղթանակի օրուան նուիրուած ձեռնարկի ընթացքին յայտնած է, որ որոշած է Վանայ լիճի ափին գտնուող Խլաթ քաղաքին մէջ նախագահական պալատ կառուցել:

Ըստ News.am-ի՝ վկայակոչելով թրքական Hurriyet թերթը, Թուրքիոյ նախագահը նշած է, թէ Ալփարսլանը Մանազկերտի ճակատամարտին մեկնած է Խլաթէն, այդ պատճառով ալ իմաստ կը տեսնէ Խլաթի մէջ սելջուկեան ոճով մեծ վրան-պալատ կառուցել 1071 քմ տարածքով, որ պիտի խորհրդանշէ 1071 թուականի Մանազկերտի ճակատամարտին  Բիւզանդիոյ դէմ Ալփարսլանի յաղթանակը: