Տիգրան Քէոսայեանի եւ Մարգարիտա Սիմոնեանի Ֆիլմը Պիտի Ներկայացուի Նոյեմբերին

Բեմադրիչ Տիգրան Քէոսայեան աշնան ռուսական շարժապատկերի սրահներուն մէջ պիտի ներկայացնէ «Ղրիմի կամուրջ. պատրաստուած է սիրով!» ռոմանթիկ կատակերգութիւնը։

Ըստ Panorama.am-ի՝ սիւժէին հիմքը Գերչի նեղուցին շինարարութիւնը եւ եկուոր շինարարներու ու տեղի բնակիչներու կեանքն է։

Ֆիլմի սենարի հեղինակն է լրագրող Մարգարիտա Սիմոնեան։ Անոր խօսքով, ֆիլմը սիրոյ մասին է։

«Նախքան սենարը գրելը, մենք քանի մը անգամ եղած ենք այնտեղ, որպէսզի դիտենք, ծանօթանանք մարդոց հետ, խօսինք։ Ոմանք դարձած են ֆիլմի հերոսներու նախատիպերը»,- նշած է Սիմոնեան։

Ֆիլմը նկարահանուած է Գերչի նեղուցի ջրային հատուածին եւ Տուզլա կղզիին վրայ։ Ֆիլմին մէջ նկարահանուած են Իրինա Ռոզանովան, Եկատիրինա Շպիցան, Ալէոնա Խմելնիցկայեան, Լաուրա Քէոսեանը, Լարիսա Մալեւաննայեան եւ այլ դերասաններ ու իսկական ղրիմցիներ։

«Ղրիմի կամուրջ. պատրաստուած է սիրով!» ֆիլմի անդրանիկ ներկայացումը պիտի կայանայ Նոյեմբեր 1-ին։