Ոչ Եւս է ՄԱԿ-ի Նախկին Ընդհանուր Քարտուղար Քոֆի Անան

Օգոստոս 18-ին մահացած է ՄԱԿ-ի նախկին ընդհանուր քարտուղար, Նոպէլեան խաղաղութեան մրցանակակիր Քոֆի Անան:

80 տարեկան դիւանագէտը կը գտնուէր Զուիցերիոյ մայրաքաղաք Պեռնի հիւանդանոցներէն մէկուն մէջ:

Ան առաջին սեւամորթ ափրիկեցին էր, որ ստանձնեց աշխարհի աւագ դիւանագէտի պաշտօնը եւ պաշտօնավարեց երկու նստաշրջան` 1997-2006:

Անանի նստաշրջանը զուգադիպեցաւ Իրաքի պատերազմին եւ HIV-ի համաճարակին:

Յետագային ան վարեց Սուրիոյ հարցով ՄԱԿ-ի յատուկ պատուիրակի պաշտօնը: