Ծանրամարտիկ Սերիոժա Բարսեղեանը Յաղթեց Եւրոպայի Մինչեւ 17 Տարեկաններու Առաջնութեան

Հայաստանը ներկայացնող Սերիոժա Բարսեղեանը Մոլտովայի մայրաքաղաք Քիշնեւի մէջ իրականացուող ծանրամարտի Եւրոպայի մինչեւ 17 տարեկաններու առաջնութեան նուաճեց երկամարտի ոսկի մետալը 67 քկ քաշային կարգի մէջ՝ ցոյց տալով 278 քկ (131+147) արդիւնք։

Sputnik Արմենիայի փոխանցած տեղեկութիւններով՝ Սերիոժա Բարսեղեանը առաջինն էր նաեւ պոկում եւ հրում վարժութիւններուն մէջ:

Մ-17 ԵԱ-ի մէջ Հայաստանը նուաճեց երրորդ մետալը երկամարտի մէջ։ Նախապէս՝ Ժորա Գրիգորեանը (61 քկ) նուաճած էր ոսկի, Կառլեն Դաւթեանը (49 քկ)՝ պրոնզ մետալ: