Ջերմուկի Մէջ Ինքնապաշտպանական Ջոկատներ Ձեւաւորուած Են. Համայնքապետ

Հայաստան

Կէս գիշերին թշնամիի յարձակումէն անմիջապէս ետք՝ Ջերմուկի մէջ ձեւաւորուած են ինքնապաշտպանական ջոկատներ, որոնք պատրաստակամութիւն յայտնած են միանալու դիրքերու վրայ կանգնած մեր զինուորներուն:

Ջերմուկը չենք լքած ոչ մէկ վայրկեան, եւ անհրաժեշտ պարագային բոլորս պատրաստ ենք պայքարելու մեր հայրենիքի, մեր հող ու ջուրի համար:

Կոչ կ՝ընեմ սեփական նախաձեռնութեամբ դիրքեր չբարձրանալու, հետեւելու համայնքապետարանի եւ ՊՆ ցուցմունքներուն»։

Յիշեցնենք, որ Սեպտեմբեր 12 լոյս 13-ին, Ազրպէյճանի ԶՈւ ստորաբաժանումները հրետանային միջոցներու, ականանետերու, ԱԹՍ-ներու, խոշոր տրամաչափի հրաձգային զինատեսակներու կիրառումով անմիջական կրակ բացած են հայ-ազրպէյճանական սահմանի միանգամայն քանի մը հատուածի վրայ տեղակայուած հայկական դիրքերու ուղղութեամբ, մասնաւորապէս հրետակոծման ենթարկուած են Սոթքի, Վարդենիսի, Գորիսի, Կապանի, Արտանիշի եւ Իշխանասարի ուղղութեամբ տեղակայուած դիրքերը, հարուածներ հասցուած են նաեւ քաղաքացիական ենթակառուցուածքներուն։ ՀՀ պաշտպանութեան նախարարութեան կողմէ կայ հաստատուած 49 զոհ։

Ազրպէյճանի զինուած ստորաբաժանումներուն կողմէ հայկական դիրքերու եւ բնակավայրերու ուղղութեամբ հրետակոծութեան հետեւանքով վիրաւորուած է քաղաքացիական երեք անձ: ՀՀ առողջապահութեան նախարարութեան տեղեկութիւններով՝ անոնցմէ մէկուն առողջական վիճակը կը գնահատուի ծանր, երկուքինը` բաւարար:

Վահագն Արսէնեան

Ջերմուկ համայնքի ղեկավար