Վանի Աղթամար Կղզիին Մէջ Ամենամեայ Պատարագը Պիտի Մատուցուի Սեպտեմբեր 4-ին

Աշխարհ, Էրկիր

Վանայ լիճի Աղթամար կղզիին մէջ գտնուող Սուրբ Խաչ հայկական եկեղեցւոյ մէջ ամենամեայ պատարագը այս տարի պիտի մատուցուի Սեպտեմբեր 4-ին։ Այս մասին կը հաղորդէ Akunq.net-ը՝ վկայակոչելով թրքական «Ժումհուրիյէթ» պարբերականը։

Աղբիւրին համաձայն՝ այս Կիրակի նախատեսուող պատարագէն առաջ մեկնաբանութիւններով հանդէս եկած Թուրքիոյ Մշակոյթի եւ զբօսաշրջութեան նախարարութեան նահանգային վարչութեան տնօրէն Էրոլ Ուսլուն յիշեցնելով, որ վերականգնումէն ետք առաջին պատարագը այստեղ մատուցուած էր 2010-ին, նշած է․ «Բոլոր միջոցները ձեռնարկած ենք, որպէսզի որեւէ խնդիր չըլլայ։ Մեր անվտանգութեան ուժերը անհրաժեշտ միջոցներ ձեռնարկած են տարածքի անվտանգութիւնը ապահովելու համար։ Յոյսով ենք, որ այս տարոուան պատարագը, որ արդէն 10-րդը պիտի ըլլայ, կ՝անցնի խաղաղութեան, հանգստութեան եւ վստահութեան մթնոլորտի մէջ»։

Ուսլուն նաեւ աւելցուցած է, որ վերջին տարիներուն համավարակի պատճառով աղթամարեան պատարագներու մասնակիցներուն թիւը սահմանափակ էր, սակայն այս տարի նման սահմանափակումներ պիտի չըլլայ, եւ միայն Կ․Պոլսոյ Հայոց պատրիարքարանի 46 հոգինոց պատուիրակութիւն պիտի մասնակցի պատարագին։

Արեւելահայերէնի թարգմանեց Մելինէ Անումեան

Արեւմտահայերէնի վերածեց՝ ԵՌԱԳՈՅՆ-ը