Թուրքիան Հայկական Կողմի Հետ Հանդիպումները Չուզեր Շարունակել 3-րդ Երկրի Մէջ

Աշխարհ, Հայաստան

Թուրքիան կ՝ուզէ, որ Հայաստանի հետ բանակցութիւններու վայրը ըլլայ Թուրքիան կամ Հայաստանը: Այս մասին կը յայտնէ Ermenihaber.amը՝ վկայակոչելով թրքական «İhlas» լրատուական գործակալութիւնը:

Նոյն աղբիւրը կը հաղորդէ, որ պաշտօնական Անգարան անհրաժեշտ չի համարեր, որ ներկայացուցիչներու յետագայ հանդիպումները իրականացուին այլ երկիրներու մէջ:

Յիշեցնենք, որ հայ-թրքական կարգաւորման գործընթացին մէջ յատուկ ներկայացուցիչներ նշանակուած Ռուբէն Ռուբինեանի ու Սերտար Քըլըչի առաջին հանդիպումը կայացած էր Յունուար 14-ին, Մոսկուայի մէջ: