ԵԱՀԿ ԱԳ Նախարարներու Խորհուրդի 2-3 Դեկտեմբերի Նիստին Պիտի Քննարկուին Արցախի Տագնապի Լուծման Եւ Անդրկովկասի Մէջ Կայունութեան Հարցերը

Աշխարհ, Հայաստան

Ռուսիոյ արտաքին գործոց նախարար Սերգէյ Լաւրով 2-3 Դեկտեմբերին պիտի մասնակցի ԵԱՀԿ-ի արտաքին գործոց նախարարներու խորհուրդի 28-րդ նիստին, որ պիտի գումարուի Սթոքհոլմի մէջ: Այս մասին յայտնեց Ռուսիոյ արտաքին գործոց նախարարութեան բանբեր Մարիա Զախարովան:

Ըստ անոր, նիստին ընթացքին կը նախատեսուի քննարկել շարք մը հարցեր, որոնք կ՛առնչուին կազմակերպութեան գործունէութեան հեռանկարներուն եւ աշխատանքի արդիւնքներուն` ռազմաքաղաքական, մարդասիրական եւ տնտեսական առումներով:

«Պիտի քննարկուին նաեւ ԵԱՀԿ-ի տարածքին մէջ, ներառեալ Ուքրանիոյ արեւելքը, Մերձտնեսթրի եւ Լեռնային Ղարաբաղի մէջ տագնապներու լուծումը, Անդրկովկասի մէջ կայունութեան ուղղուած հարցերը: Օրակարգի նիւթերէն մէկը պիտի ըլլայ նաեւ Աֆղանիստանի մէջ կացութեան զարգացումը»,- ըսաւ Զախարովան: