Ամերիկեան Հեռուստադրուագով Թուրքերը Մեղադրուած են Ցեղասպանութիւն Գործելու Մէջ

Աշխարհ, Հայաստան, Սփիւռք

Ամերիկեան «Միայն սպանութիւններ շէնքին մէջ» (Only Murders in the Building) հեռուստադրուագով թուրքերը մեղադրուած են կոտորած եւ ցեղասպանութիւն իրագործելու մէջ։ Այս մասին կը հաղորդէ Ermenihaber.am-ը՝ վկայակոչելով yenisafak.com-ը։

Դրուագներէն մէկուն մէջ, անցեալէն յիշողութիւններ պատմող դերակատարը ըսած է․ «Յոյներու եւ հայերու ցեղասպանութեան մասին գիտե՞ս։ Իմ մեծ տատիկը՝ Էւանկելիան, երիտասարդ կին էր, երբ թուրքերը սկսած են կոտորել յոյները»։

Հեռուստադրուագին մէջ գործածուած այս արտայայտութիւնները վրդովմունքի եւ քննարկման առիթ դարձած են թրքական ԶԼՄ-ներուն մէջ։

Նշենք, որ Hulu հեռուստաալիքով ցուցադրուող հեռուստանովէլի գլխաւոր դերասաններն են Սթիւ Մարթինը, Սելենա Կոմեսը եւ Մարթին Շորթը։