Չաւուշօղլուն Հայաստանը Մեղադրած է Հարեւան Երկիրներու Տարածքներուն Վրայ «Աչք Ունենալու» Մէջ

Աշխարհ, Հայաստան

Վերջերս, Թուրքիոյ արտաքին գործոց նախարար Մեւլութ Չաւուշօղլուի եւ շարք մը հասարակական կազմակերպութիւններուն ներկայացուցիչներուն միջեւ տեղի ունեցած է հանդիպում։ Հանդիպման ընթացքին Չաւուշօղլուն խօսած է նաեւ Հայաստանի եւ հայ-թրքական յարաբերութիւններուն մասին։ Այս մասին կը հաղորդէ Ermenihaber.am-ը՝ վկայակոչելով Haberler.com-ը։

«Այսօր Թուրքիան ունի թղ ռազմական/կոշտ եւ թէ փափուկ ուժ, որոնք անհրաժեշտ է ճիշդ համադրել եւ հասկնալ, թէ երբ պէտք է օգտագործել կոշտ ուժը, կամ ինչպէս պէտք է կիրառել փափուկ ուժը։ Կոշտ ուժը պիտի կիրառել, երբ դիւանագիտութիւնը կը սպառայ ինքզինք։ Կոշտ ուժը կը կիրառուի դիւանագիտութիւնը վերստին գործարկելու համար»,- մասնաւորապէս շեշտած է Չաւուշօղլուն։

Թուրք նախարարը իբրեւ օրինակ նշած է իրենց զինուժի գործողութիւնները Սուրիոյ, Լիպիայի, Արեւելեան Միջերկրականի մէջ, ապա՝ շարունակած. «Ազրպէյճանն ալ նոյն բանը ըրաւ Կովկասի մէջ։ 30 տարի սպասեց, դիւանագիտութիւնը չաշխատեցաւ։ Մինսկի եռեակը, կամ ալ աւելի մեծ կառոյցը՝ Մինսկի խումբը, որուն անդամ ենք նաեւ մենք, չի գործեց։ Ի՞նչ եղաւ։ Այն եղաւ, որ կարճ ժամանակի մէջ՝ 43 օր, եղբայրական Ազրպէյճանը վերցուց իր հողերը, եւ հիմա ալ հնարաւորութիւն ստեղծուած է դիւանագիտութեան համար»։

Չաւուշօղլուն նշած է, թէ իրենք իբր թէ դրական ուղերձներ կը յղեն եւ նոյնը կը ստանան Հայաստանէն, բայց անոնք, ըստ անոր, պէտք չէ մնան միայն իբրեւ խօսքեր։ Ան Հայաստանը մեղադրած է հարեւան երկիրներու տարածքներուն վրայ «աչք ունենալու» մէջ եւ Երեւանին յորդորած է մտածել, թէ ինչպէս կրնայ օգուտ քաղել խաղաղութենէն, տնտեսական զարգացումէն, կարեւոր նախագիծերէ։ Չաւուշօղլուն յիշեցուցած է Ազրպէյճանի կողմէ եղած խաղաղութեան համապարփակ պայմանագրի բանակցութիւններու առաջարկին մասին եւ յոյս յայտնած, որ Հայաստանը պիտի արձագանգէ։