Չաւուշօղլուն Կրկին Տնտեսական Հնարաւորութիւններ Առաջարկած է Հայաստանին, Կրկին՝ Պայմանով

Աշխարհ, Հայաստան

Թուրքիոյ արտաքին գործոց նախարար Մեւլութ Չաւուշօղլուն Քուէյթի ԱԳ նախարար Մուհամմէտ ալ-Սապահի հետ հանդիպման ընթացքին խօսած է նաեւ տարածաշրջանին մէջ Արցախեան պատերազմէն ետք ստեղծուած իրավիճակին մասին:

Ըստ Ermenihaber.am-ի՝ թուրք նախարարը մասնաւորապէս ըսած է. «Այս հրադադարը լաւ հնարաւորութիւն է: Տարածաշրջանին մէջ կայունութիւն ապահովելուն զուգահեռ կարեւոր նախագիծեր կեանքի կոչելու եւ յարաբերութիւնները կարգաւորելու տեսանկիւնէն մեր առջեւ հնարաւորութիւն բացուած է: Եթէ Հայաստանը այս ամէնը դրական գնահատէ՝ Հարաւային Կովկասը կրկին կրնայ դառնալ խաղաղութեան եւ կայունութեան տարածաշրջան»: