Բաղրամեան Պողոտայի Վրայ Տեղադրուած է Շուշիի Ազատագրման Գործողութիւններու Հսկայական Մանրակերտը

Հայաստան

Բաղրամեան պողոտայի վրայ՝ արդէն աւելի քան տասը օր գործող Հայրենիքի փրկութեան շարժման վրանային հաւաքավայրին մէջ, քաղաքացիները կրնան պատկերացում կազմել, թէ 1992-ի Մայիսին ազատամարտիկներն ու ինքնապաշտպանական ուժերը ինչպէս անհնարն ու հնարինը ընելով ազատագրեցին Շուշին։

Դաշնակցութեան ազատամարտիկներու յանձնախումբին նախաձեռնութեամբ՝ մասնագետներու տքնաջան աշխատանքին շնորհիւ պատրաստուած է այդ հերոսական գործողութեան հսկայական մանրակերտը։

Գործողութեան մասնակիցները, ռազմական փորձագէտները քաղաքացիներուն կը ներկայացնեն բոլոր մանրամասները, թէ ինչպէս ըրին անհնարինը ու Շուշին վերադարձաւ մայր Արցախի գիրկը։ Ի տարբերութիւն նախորդ տարիներուն, այս անգամ այդ հերոսական գործողութիւնը պիտի ներկայացուի ցաւով, քանզի 2020 թուականի պատերազմին քաղաքը թշնամիին տրուեցաւ անյայտ ու անհասկնալի պայմաններու մէջ, որ շատերու համոզումով հայկական իշխանութիւններու եւ ազրպէյճանցիներու համաձայնությղեան հետեւանքով էր։